Welcome sa Nanay Logic—isang uniberso kung saan hindi mo kailangan ng physics, chemistry, o algebra para maintindihan ang batas ng buhay. Dito, simple lang ang rule: si Nanay ang tama, at kung may duda ka, balikan ang unang rule. Kung bakit laging may baon kang panyo, bakit bawal kang matulog na basa ang buhok, at kung paano nagiging equal sa diploma ang pagiging marunong maghugas ng plato—lahat ‘yan, ipapaliwanag ng Nanay Logic. Hindi mo man maintindihan ngayon, pero tiyak, darating ang panahon na ikaw na mismo ang magsasabi ng parehong linya… habang pinapagalitan ang sarili mong anak.
Nanay Logic #4: Magdala ka ng payong kahit maaraw
Walang masama, kasi sa nanay mindset: "Hindi ka uulanan, pero baka maulanan ka."
Nanay Logic #16: Huwag ligpitan ng pinagkainan
Sabi ng nanay, huwag mong pagligpitan ng plato habang siya ay kumakain pa ang isang tao kundi hindi ito makakapagasawa. Ayun ung kapatid kong pinagligpitan, nakaapat na asawa na yata.
Nanay Logic #24: Kubyertos Fortune Telling
Kapag may nalaglag na kutsara, may lalaking bisita. Kapag tinidor, babae. Fortune-telling gamit kubyertos.
Nanay Logic #5: Wag matulog na basa ang buhok
Sureball yan—sabi ni Nanay, mabubulag o tatanda ka agad. Kaya blow-dry muna bago bed, kahit antok na antok ka na.
Nanay Logic #1: Wag magwalis sa gabi
Sabi ni Nanay, kasama raw sa walis ang swerte. Kaya kahit kalat, tiisin mo na lang.
Nanay Logic #8: Wag matulog ng gutom
Kahit pagod ka na, sabi ni Nanay, hindi ka raw makakatulog ng maayos kapag walang laman ang tiyan. Kaya magbaon ng meryenda kahit maliit.
Nanay Logic #2: Bawal magputol ng kuko kapag gabi
Kahit may nail cutter ka na, sabi ni Nanay malas daw. Antayin mo na lang umaga.
Nanay Logic #7: Huwag maupo sa pinto
Ayon kay Nanay, kapag lagi ka raw umuupo sa may pintuan, tatandang dalaga o binata ka. Kaya kahit masarap ang hangin, ililipat ka niya agad.
Nanay Logic #25: Pasan unan = Mamamatay Nanay
Kapag pinasan mo raw ang unan sa ulo mo, mamamatay nanay mo. Dahil para mo raw buhat ang kabaong nya. Classic scare tactic para tumigil ka.
Nanay Logic #9: Patayin ang TV kapag may kidlat
Sabi ni Nanay, kung may kidlat sa labas, baka pasukin ng kuryente ang TV at masira. Kahit bago pa lang ang TV o mahal ang TV, obey na lang. Safety first, sabi niya, at dagdag chismis—"kapag nasunog, di na puwede reklamo."
Nanay Logic #18: Kambal na Saging
Kapag kumain ka ng saging na kambal, magiging kambal daw ang magiging anak mo. Zero medical logic pero minsan tumatama kaya scary.
Nanay Logic #6: Pag pumunta ng patay, magpagpag!
Galing lamay? Diretso sa fast food o 711 muna bago uwi. Kahit gutom ka na at 3AM na, bawal daw dumiretso sa bahay.
Nanay Logic #28: Panyo sa Noo
Kapag sumakit ulo mo, itali ng mahigpit ang panyo sa noo. Hindi pain reliever, pero effective daw sabi ni nanay.
Nanay Logic #11: Bawal lumingon habang naglalakad pabalik sa bahay mula lamay
Kapag lumingon, baka sumama ang kaluluwa sa’yo. Kaya kahit gusto mong tingnan kung sino sumunod, wag mo daw gawin.
Nanay Logic #15: Wag kumanta habang nagluluto
Sabi ni Nanay, kung kakanta ka habang nagluluto, baka hindi ka na makahanap ng forever o pakakasalan mo ang mas matanda. Kaya sa mga single, huwag subukan!
Nanay Logic #30: Matulog ka sa tanghali
Matulog ka raw sa tanghali para tumangkad ka. Nanay logic na nagiging official reason para ipatulog ka kahit ayaw mo.
Nanay Logic #21: Pera sa Gabi
Huwag magbilang ng pera sa gabi, mamalasin ka. Pero ang tunay na dahilan, para hindi ka ma-stress sa utang.
Nanay Logic #27: Vicks sa Talampakan
Para gumaling ang ubo, magpahid ng Vicks sa talampakan at suotan ng medyas. Walang scientific proof pero nanay-certified.
Nanay Logic #3: Wag ka munang maligo pagpagod ka
Kahit pawis na pawis ka galing laro o trabaho, sabi ni Nanay baka daw pasukan ng hangin ang katawan mo. Tuyo na pawis, amoy pawis, pero ligtas ka raw.
Nanay Logic #23: Bagong Gupit at Basa Ang Ulo
Huwag lalabas ng bahay na bagong gupit at basa ang ulo kasi papasukan ka ng hangin. Nanay version ng sipon prevention.
Nanay Logic #19: Toothpaste sa Mantika
Pag natalsikan ka ng mantika, lagyan agad ng colgate para hindi mamaga. Mas effective pa sa burn ointment, ayon kay nanay.
Nanay Logic #12: Kailangang mauna ilipat ang bigas sa bagong bahay bago ang lahat ng gamit
Sabi ni Nanay, kapag lumipat sa bagong bahay, ang unang ililipat ay bigas. Para daw laging may pagkain at swerte sa bagong tahanan. Kahit nakakatawa, obey ka na lang—baka raw malas kung uubrahin mo.
Nanay Logic #26: Pakwan + Softdrinks
Huwag sabay kumain ng pakwan at softdrinks kasi puputok tiyan mo. Walang batang nag-test nito hanggang ngayon.
Nanay Logic #10: Huwag magbukas na payong sa loob ng bahay
Mahuhulog daw ang mga butiki kapag nakabukas ang payong sa loob ng bahay
Nanay Logic #22: Nangangati ang ilong
Kapag nangangati daw ang ilong mo, sure na may humahalik sa picture mo. Or baka naman di ka pa naliligo?
Nanay Logic #29: Huwag Maligo Pag Bagong Opera
Sabi ng nanay, kapag bagong opera bawal maligo kasi baka bumuka ang tahi. Kahit safe na daw sabi ng doktor, si nanay may sariling rule: isang buwan bawal.
Nanay Logic #17: Five Second Rule
Kapag nalaglag ang pagkain pero mabilis pinulot, safe pa raw kainin. Germs daw marunong magbilang.
Nanay Logic #20: Upo sa Pinto, Walang Asawa
Kapag nakaupo ka sa pintuan, hindi ka makakapag-asawa. Translation: umalis ka diyan, sagabal ka sa daan.